Moon愛玩～好奇小Moon

［結婚吉祥話四句聯］下集最完整！結婚用台語好話四句聯

本想訂婚、結婚台語吉祥話集成一篇，但是喜歡說好話的Moon媽咪發現真的太多字了！怕大家滑到手軟，所以分上下2篇囉！趕快一起來學台語四句聯！

新娘上下車：

車門開，金銀財寶一大堆。

新郎手著牽乎好，新娘快做阿母。

新娘道道阿行，連咪就做阿娘。

新娘腳，踏落地，金錢賰尬無底下。

新娘行路扭阿扭，生囝做市長。

過烘爐 踏破瓦

新娘腳骨抬高高，

囝孫行行出狀元。

新娘過火毋通驚，

腳步慢慢到大廳，

天生福祿富貴命，

拜堂完婚乾坤定。

入廳門：

人未到，緣先到。

新娘行入來，富貴大發財。

新娘行入廳，新郎好名聲。

新娘娶入來，

添丁大發財。

新娘娶入厝，

予恁代代富，

新娘踏入厝，

家財年年富，

今年娶新婦，

明年豬變牛。

新婦娶入來，

致蔭好翁婿，

明年買新厝，

珠寶規身軀。

拜天地祖先

一拜天地成夫妻，

倆人結髮囝孫多；

男女姻緣天來配，

感情永遠無問題。

二拜高堂見祖先，

男女鬥陣是天緣；

夫妻合好永不變，

妻賢夫貴萬萬年。

夫妻對拜徛正正，

入門向望翁姑疼；

良時吉日來合婚，

一夜夫妻是百世恩。

兩性合婚歲壽長，

榮華富貴多田園。

囝孫桶入大廳

囝孫桶舉高高。

生囝生孫中狀元。

囝孫桶提低低，

予恁兩年生三個。

食新娘茶

新娘真正真好命，

內家外家好名聲，

準備甜茶來相請，

祝福金銀滿大廳。

手捧甜茶來相請，

相夫教子好名聲。

新娘捧茶頭懸懸，

生囝生孫中狀元。

茶杯閣再捧低低，

金銀財寶無地下。

甜茶相請真光榮，

男才女貌天生成，

夫妻和好財子盛，

祝賀富貴萬年興。

食茶古例傳至今，

夫妻和好真同心，

新娘入門會致陰，

翁婿發財千萬金。

入新房

新娘送入房，囝孫代代好野人。

新娘新郎入房內，生囝生孫有將材。

新娘坐落去，

新郎好脾氣。

新娘坐起來，

添丁大發財。

食紅圓

食甜甜，一胎生雙生。

食甜甜，明年生後生。

新娘食紅圓，

闔家團圓大賺錢。

新郎食紅圓，

子孫富貴萬萬年。

食豬心

新娘食豬心，

規家伙仔會同心。

交杯酒

新郎新娘喝交杯酒，

予拎翁仔某感情天長到地久。

食婚酒桌

今仔日是好日子，

兩性合婚結連理；

明年一定生雙生。

今仔日是好日子，

兩家結連理，

今年開花，

明年結子。

今仔日○○娶新娘，恭喜賀喜真歡喜，

親朋好友，

厝邊頭尾，

各行各業人客大家來，

咱有準備薄酒跟粗菜，

向恁說多謝是應該。

娶新娘是好代誌，

等一下大家就免客氣，

酒要喝乎乾，

乎新郎緊做阿爸，

菜就食乎下，

乎新娘頭胎生倆個。

新郎新娘欲入桌，

喜氣洋洋人合樂。

新娘坐正正，

才會得人疼。

新娘坐乎好，

才會緊做阿母。

酒杯甄乎深深深，

乎你們翁仔某會同心。

你們要相親，

兩人才會同心。

你們若毋相親，

這杯喜酒我不喝。

食香菇新娘頭胎生查甫。

食魷魚生囝生孫好搖飼。

食豬肚新郎才有好頭路。

食雞腿新娘生囝一定水。

食雞腳乎新郎緊做阿爸。

食豬肝，囝孫代代做大官。

食菜，夫妻永遠恩愛。

大家愛用菜，新娘嫁著好翁婿。

大家愛喝酒，新郎娶著好牽手。

燒酒喝乎乾，

乎新郎連咪做阿爸。

燒酒喝乎乾，

乎新娘趕緊做媽媽。

燒酒真正芳，

乎小姐嫁著才情翁。

燒酒大家愛，

這位新郎娶著好太太。

酒菜大嘴吞，

乎小姐嫁著好郎君。

大家食乎飽，

囝孫代代攏乖巧。

大家酒杯捧乎高，

祝新娘生囝做立法委員。

新娘好學問，

今仔日配著好郎君，

百子又千孫。

今仔日兩姓合婚，

日日有錢賰，

明年生雙孫，

乎婆婆雙手抱雙孫，無手通拉裙，

乎公公雙手抱雙孫，無閒通食煙。

郎才女貌真恭喜，

新郎才華了不起；

新娘賢慧通情理，

兩人速配無底比。

黃道吉日結紅綵，

八音鼓吹兩爿排；

大家攏來看囝婿，

果然一表好人才。

今日娶著好新婦，

入門會當蔭丈夫；

大富大貴起樓厝，

家庭美滿年年富。

大家做伙免客氣，

粗菜薄酒有準備；

無分姐妹跟兄弟，

食了就知好滋味。

主人準備好酒菜，

誠心請客眾人知；

山珍海味真膨派，

祝福大家攏發財。

鬧洞房

1. 弄新娘我最行，

祝恁夫妻好到老。

2. 夫妻若手牽手天長地久，

嘴嘟嘴是萬年富貴。

4. 門當閣戶對，

榮華兼富貴，

今暗心花開，

趕緊送作堆。

5. 今仔日人客這爾濟，

攏欲來看恁兩個。

新郎新娘唚一下，

人生大事免歹勢。

6. 新娘美貌通人知，新郎緣投狀元才；

今暗互相有意愛，

明年生出好囝來。

7. 好田也著好種子，認真播種好時機；

翁某雙人若歡喜，

今宵合作生雙生。

8. 新人實在真古意，洞房鬧久會生氣；

大家趕緊倒轉去，

乎他們好好做代誌。

9. 逐家緊起行，

乎他們去輸贏，

著愛卡打拚，

連咪做阿娘。

10. 古早周公定婚禮，

男女配合才成家，

新郎新娘好體格，

第一親密是夫妻。

11. 門當閣戶對，

榮華兼富貴，

今夜日子水，

趕緊去做堆。

12. 人講做人三擺喜，

第一就是結婚時，

新郎新娘相佮意，

鴛鴦水鴨成一池。

13. 新郎新娘相意愛，

良時吉日上武台，

英雄比武照步來，

真槍射中風雲開。

14. 新娘妳就大準備，

準備今夜上戰坪，

雙方對敵就拼勢，

勝利收兵得孩兒。

15. 夫妻生做同樣水，

有緣千里來做堆，

青春時代真寶貴，

天降甘露心花開。

16. 新郎新娘來同房，

今日魚水得相逢，

明天天上送貴子，

富貴長壽福滿堂。

　送客

1. 今仔日大家食喜酒，

感謝親情跟朋友；

夫妻就愛手牽手，

快樂幸福天地久。

2. 來參加婚禮的人，若是有做田人，

轉去祝恁好年冬。

3. 若是有討海人，

掠魚掠蝦免用網，

定定嘛大船來入港。

4. 若是有生理人，

乎恁日日見財生理一直來。

5. 若有人是做頭家，乎恁趁錢趁尬無地下。

6. 若有人是做薪勞，乎恁工作無煩惱。

7. 若有人是運將大兄，祝恁開車順利攏無紅單。

8. 若有人是做老師，祝恁教冊真好勢。

9. 若有公務人員，

祝恁事事項項攏平安。

10. 若有囡仔人，

乎恁身體健康會大漢。

11. 若有多歲人，

乎恁身體勇健，

事事如意食百二。

12. 若有讀冊人，

乎恁成績好尬逐項攏贏人。

13. 若有小姐猶未結婚，

祝恁早日找著好郎君。

14. 若有先生猶未娶，

祝恁早日揣著伴。

結尾好話

鴛鴦雙對，

龍鳳相隨。

祝今仔日的人客身體健康，

萬事如意大趁錢。